Монгол Улсад нийгмийн даатгалын байгууллага үүсч, хөгжсөний 75 жилийн ойг тохиолдуулан Эрүүл мэнд, нийгмийн даатгалын ерөнхий газраас  сэтгүүлч, хэвлэл мэдээллийн ажилтнуудын дунд  “Нийгмийн даатгал- Таны насан туршийн баталгаа”, сэдэвт телевиз, сонин, сайтын нийтлэл, нэвтрүүлгийн уралдааныг зохион байгуулсан билээ. Өнөөдөр /2017.11.16/ тус уралдаанд шалгарсан шилдэг бүтээлүүдийн эздэд шагнал гардуулах үйл ажиллагаа боллоо.

Телевизийн нэвтрүүлгийн төрөлд:

1. Б.Даваасүрэн -Эх орон телевизийн сэтгүүлч “Сэдвийн гүнд” нэвтрүүлэг Н.Пүрэвсүрэн -VTV телевизийн сэтгүүлч “Нийгмийн даатгал таны насан туршийн баталгаа” нэвтрүүлэг
2. Б.Ганчимэг- ТМ телевизийн сэтгүүлч “Элэг бүтэн Монгол” нэвтрүүлэг

Сонины нийтлэлийн төрөлд:

1. Б.Туул -Зууны мэдээ сонины сэтгүүлч “Өнөөдрөөсөө хугасалж, маргаашаа даатгуулахын учир” нийтлэл
2. Ч.Болортуяа -Өнөөдөр сонины сэтгүүлч “Эмээ өвөө нарын эрин үед бэлэн үү” нийтлэл
3. С.Юмсүрэн -Монголын үнэн сонины сэтгүүлч “Нийгмийн даатгал-таны насан туршийн баталгаа” нийтлэл

Сайтын нийтлэлийн төрөлд:

1. О.Сайханцэцэг- Zaluu.com сайтын сэтгүүлч “Даатгал таныг эрсэдлээс хамгаална” нийтлэл
2. Б.Наранчимэг- Өдрийн сонин, DNN сайтын сэтгүүлч “Нийгмийн даатгал таныг гадаадад “харлах”-гүй гэсэн баталгаа болно” нийтлэл
3. О.Эрдэнэбүрэн -Uls.mn сайтын сэтгүүлч “Нийгмийн даатгалын тусыг олж мэдрэхийн давуу тал” нийтлэл тус тус шилдгээр нэрлэгдлээ.

 

Нийгмийн даатгалын хууль тогтоомж, орлого бүрдүүлэлт, сангийн хөрөнгийн зарцуулалт, нийгмийн даатгалын үйлчилгээ,  нийгмийн даатгалын ач холбогдол, шинээр хэрэгжиж эхэлж буй эрх зүйн актууд, нийгмийн даатгалын хөгжлийн чиг хандлага зэрэг өргөн хүрээг хамарсан эдгээр нийтлэл, нэвтрүүлгийн эцсийн үр дүн нь даатгуулагчдад хэрэгтэй мэдээллийг хүргэж байгаад оршиж байгаа юм. Эрүүл мэнд, нийгмийн даатгалын байгууллага нь хэвлэл мэдээллийн байгууллага, сэтгүүлчидтэй цуврал сургалт, уулзалт, хэлэлцүүлэг зохион байгуулах, мэдээллээр хангах, түгээх зэргээр өргөн хүрээнд хамтран, нээлттэй ажиллаж байна.

ЭРҮҮЛ МЭНД, НИЙГМИЙН ДААТГАЛЫН ЕРӨНХИЙ ГАЗАР