Монгол Улс, Бүгд Найрамдах Турк Улсын хоорондын нийгмийн хамгааллын салбарт хамтран ажиллах тухай хэлэлцээр байгуулах ажлын хэсгийн 2 дахь шатны уулзалт Турк улсын Анталя хотод болов. Уг хэлэлцээрт Монгол улсыг төлөөлж Хүн амын хөгжил, нийгмийн хамгааллын яамны Төрийн нарийн бичгийн дарга Г.Нарангэрэл тэргүүтэй төлөөлөгчид, Туркийн талыг төлөөлж Туркийн Хөдөлмөр, нийгмийн хамгааллын яамны Гадаад харилцааны газрын дарга Найм Гүрхан Кескин нарын төлөөлөгчид оролцож хэлэлцээрийг амжилттай эцэслэн тохирсон тухай протоколд гарын үсэг зурлаа.
Энэхүү хэлэлцээрийн төсөлд хоёр орны иргэдийн нийгмийн хамгаалалын талаархи олон чухал заалтууд хэлэлцэгдэж эцэслэн тохиролцсон бөгөөд ойрын хугацаанд хоёр орны Засгийн газар хооронд дээрхи хэлэлцээрийг батлуулах талаар хүчин чармайлт гарган ажиллахаа ажлын хэсгийнхэн илэрхийлэв.
