Эмнэлэг хөдөлмөрийн магадлах төв комиссын өргөтгөсөн хурлыг 2015 оны 05 дугаар сарын 26-ны өдөр Нийгмийн даатгалын ерөнхий газрын 405 тоотод “Эмнэлэг хөдөлмөрийн магадлалын өнөөгийн байдал” сэдвийн хүрээнд зохион байгуулав.

Хуралд Хүн амын хөгжил, нийгмийн хамгааллын яамны Стратеги бодлого төлөвлөлтийн газрын даргын үүргийг түр орлон гүйцэтгэгч Ц.Туваан, Хөгжлийн бэрхшээлтэй иргэдийн хөгжлийн хэлтсийн дарга Д.Батдулам, Нийгмийн хамгааллын бодлогын хэрэгжилтийг зохицуулах газрын Нийгмийн даатгалын албаны дарга С.Дорждэрэм, ахлах мэргэжилтэн А.Хишигбаяр, Эрүүл мэнд, спортын яамны Эмнэлгийн тусламжийн хэлтсийн дарга Л.Зэндмаа, мэргэжилтэн Н.Тунгалаг, Нийслэлийн эрүүл мэндийн газрын Эмнэлгийн тусламжийн хэлтсийн мэргэжилтэн Г.Нарантуяа нар болон дүүргүүдийн Нийгмийн даатгалын хэлтсийн дарга, магадлагч эмч, Эмнэлэг хөдөлмөрийн магадлах комиссын гишүүд, хөгжлийн бэрхшээлтэй иргэдийн төлөөлөл оролцов.

Энэхүү хурлаар Эмнэлэг хөдөлмөрийн магадлах төв комиссын дарга П.Мөнхтулга “Эмнэлэг хөдөлмөрийн магадлалын өнөөгийн байдал” сэдвээр илтгэл тавьж, эмнэлэг хөдөлмөрийн магадлалын өнөөгийн байдал, авч хэрэгжүүлж буй үйл ажиллагааны талаар танилцуулав.

Хуралд оролцогч талууд цаашид Эмнэлэг хөдөлмөрийн магадлалын үйл ажиллагаанд баримталж буй хууль эрх зүйн баримт бичгийг боловсронгуй болгох, тусламж үйлчилгээний чанарыг сайжруулах болон эмнэлэг хөдөлмөрийн магадлалын үйл ажиллагаанд тулгамдаж буй асуудал, шийдвэрлэх арга замыг тодорхойлохоор харилцан ярилцаж, хэлэлцүүлэн өрнүүлэн, санал, зөвлөмж өгсөн үр дүнтэй үйл ажиллагаа болов.