Удирдлагын мэндчилгээ
![DARGA20221](https://huvsgul.ndaatgal.mn/wp-content/uploads/2024/05/DARGA20221-scaled.jpeg)
Эрхэм иргэд, даатгуулагч, ажил олгогч, Та бүхнийхээ амгаланг айлтгая.
Хөвсгөл аймгийн Нийгмийн даатгалын газар нь Нийгмийн даатгалын хууль тогтоомжийг хэрэгжүүлэх, нийгмийн даатгалын сангийн орлогыг бүрдүүлэх, ажил олгогч, даатгуулагчдыг нийгмийн даатгалд хамруулах, нийгмийн даатгалын сангаас тэтгэвэр, тэтгэмж, төлбөр, зардлыг хуулиар тогтоосон хугацаанд олгох, цахим үйлчилгээг нэвтрүүлэх зэрэг чиг үүргийг хэрэгжүүлэн ажиллаж байна.
Нийгмийн даатгалын байгууллага нь иргэд, даатгуулагч, ажил олгогч Та бүхэндээ үйлчилгээгээ чирэгдэлгүй шуурхай үзүүлэх зорилгоор цахим үйлчилгээг нэвтрүүлэн нийгмийн даатгалын шимтгэл төлөлтийн тайлан гаргах, сайн дурын даатгалын гэрээ байгуулах, шимтгэлээ төлөх, ажилгүйдлийн, хөдөлмөрийн чадвар түр алдсаны, жирэмсний болон амаржсаны тэтгэмжийг олгох, тэтгэврийг өөрчлөн тогтоох зэрэг үйлчилгээг цахим хэлбэрт шилжүүлж, мөн даатгуулагч шимтгэл төлөлтөө хянах, нэрийн дансны орлогын болон авсан тэтгэвэр, тэтгэмжийн мэдээллийг “Нийгмийн даатгал” аппликейшн, “Portal.ndaatgal.mn” сайтаар иргэн ДАН-р нэвтрэн үйлчилгээ авах боломжийг бүрдүүлээд байна.
Нийгмийн даатгалын хууль тогтоомжийг хэрэгжүүлэхэд хувь нэмрээ оруулж, хуулиар хүлээсэн үүргээ нэр төртэй биелүүлж байгаа аж ахуйн нэгж, байгууллага, нийгмийн даатгалд даатгуулж үр шимийг нь хүртэж байгаа иргэд, даатгуулагчид, тэтгэвэр авагчиддаа талархал илэрхийлье.
ХӨВСГӨЛ АЙМГИЙН НИЙГМИЙН ДААТГАЛЫН ГАЗРЫН ДАРГА Л.ЮМЖИРДУЛАМ