Тэжээгчээ алдсаны тэтгэвэр авч буй хүүхдийн нөхцөл байдлын судалгаа үндэсний хэмжээнд 3 аймагт хийгдэж байна. Хөвсгөл аймагт уг судалгааг Нийгмийн даатгалын ерөнхий газрын бодлогын хэрэгжилт, төлөвлөлтийн газрын ахлах мэргэжилтэн А.Уртнасан, Уг төслийн зөвлөх Ц.Дашдондог дарга нар Хөвсгөл аймгийн Нийгмийн даатгалын газартай хамтран зохион байгууллаа.
Тус хэлэлцүүлэгт аймгийн ЗДТГ-ын НБХ, аймгийн ХГБХХГ, ХХҮГ, ЦГ, БГ, Мөрөн сумын ЗД, ЗДТГ-ын холбогдох мэргэжилтэн, Багийн засаг дарга, Хөвсгөл аймаг дахь сум дундын иргэний хэргийн анхан шатны шүүх, ЕБС-ийн нийгмийн ажилтнуудын төлөөлөл оролцлоо.
Хэлэлцүүлгээр тэжээгчээ алдсаны тэтгэвэр авч буй хүүхдүүдийн тулгамдсан асуудлаар ярилцаж санал солилцон ГБХНХЯ-нд саналыг хүргүүлэхээр шийдвэрлэлээ. Цаашдаа төрийн байгууллагуудын уялдаа холбоог сайжруулж, хамтран ажиллахаар санал нэгдлээ.
