Хөдөлмөр халамж үйлчилгээний газар, Хөвсгөл аймгийн Хөгжлийн бэрхшээлтэй хүний хөгжлийн төв, хамтран зохион байгуулж байгаа “Хөгжлийн бэрхшээлтэй хүүхэд, иргэн, ахмад настны асран хамгаалагчыг чадавхжуулах, зөвөлгөө мэдээллээр хангах” хэлэлцүүлэгт НДГ, ХГБХХГ, ХХҮГ, ЭМГ, Хүний эрхийн үндэсний комиссын Хөвсгөл аймаг дахь салбарын ажилтнуудын төлөөлөл оролцлоо.

Хэлэлцүүлэгт Нийгмийн даатгалын газраас сайн дурын даатгалын байцаагч Б.Мягмаржав, магадлагч эмч З.Эрчмаа, нар оролцож байна.
Хэлэлцүүлгээр Хөгжлийн бэрхшээлтэй 18 хүртэлх насны хүүхдээ харж байгаа ажил хөдөлмөр эрхлээгүй эцэг эхийн сайн дурын даатгалын шимтгэлийн хөнгөлөлт үзүүлж байгаатай холбоотой асуудлаар санал солилцлоо. Цаашдаа төрийн байгууллагуудын мэдээ мэдээллийг дохионы хэлээр хүргэх, сонсголын болон хэл ярианы бэрхшээлтэй иргэдэд төрийн үйлчилгээг саадгүй хүртээмжтэй хүргэх хамтран ажиллах тал дээр санал нэгдлээ.